🍲 Mampar
Masalliqlar:
@Pazanda\_Online 🍫 Kanali
XAMIRIGA:
200 gramm un
1 dona tuxum
50 millilitr suv
0.5 choy qoshiq tuz
BULYONIGA:
350-400 gramm mol go'shti
200 gramm piyoz
5-6 dona sarimsoq piyoz tishchasi
200 gramm qizil sabzi
200 gramm pomidor
300 gramm qizil bulg'or qalampiri
1 bog' kashnich
1 osh qoshiq pomidor pastasi
1 osh qoshiq soya qaylasi
ta'bga qarab tuz
ta'bga qarab achchiq qalampir
qovurish uchun o'simlik yog'i
2 litr suv
Tayyorlanishi:
@Pazanda\_Online 🍫 Kanali
Tog'orachaga suvni quyamiz. Ustidan tuxumni chaqib solamiz va tuz sepamiz. Sanchiqda ko'pirtirib olamiz. Unni elab solamiz va qattiqroq xamir qorib olamiz. Xamirni 10 daqiqaga tindirib qo'yamiz. So'ng xamirni olib, 3 mm yupqalikka kirgunicha yoyib olamiz. Xamirdan 1 sm qalinlikdagi uzun-uzun lentalar kesib chiqamiz. So'ng hammasidan 1x1 sm kattalikdagi to'rtburchaklar kesib chiqamiz.
Bulyonini pishiramiz:
Go'sht, piyoz, bulg'or qalampiri, sabzi va pomidor(po'stidan tozalangan)ni mayda to'rtburchak qilib to'g'raymiz. Qozonga yog'ni quyamiz. Go'shtni solib, qizartirib qovurib olamiz. So'ng piyozni solib, birgalikda yaxshilab qovuramiz. So'ng ustidan sabzi, bulg'or qalampiri va pomidorni solamiz. Birgalikda 5 daqiqa qovurgandan keyin ustidan pomidor pastasi, soya qaylasi, to'g'ralgan kashnich, sarimsoq piyoz va achchiq qalampirni solamiz. 5 daqiqacha qovuramiz. Suvni quyib, qaynash darajasiga keltiramiz. Past olovda 1 soat davomida pishiramiz. Pishishiga 10 daqiqa qolganda esa tayyorlab qo'ygan xamirimizni solamiz. Pishgan mamparnni 10 daqiqa tindirib, so'ng esa dasturxonga tortamiz.
@Pazanda\_Online 🍫 Kanali
Yoqimli ishtaha!
