Президент суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтиришга оид Фармонни имзолади

Фармонга кўра:

👉 Ярашув институтини қўллаш механизми такомиллаштирилмоқда.

Шахсга нисбатан тергов даврида эълон қилинган айблов, жиноят иши суднинг қайси инстанциясида кўрилаётганлигидан қатъи назар ярашув институти доирасига тушадиган енгилроқ моддага қайта малакаланган ҳолларда ярашув институтини қўллаш имконияти яратилмоқда.

👉 Ушланган шахснинг ҳуқуқлари поймол бўлишининг олдини олиш мақсадида:

➖ ушлаб туриш муддатини жиноят содир этишда гумон қилинаётган шахс ҳуқуқни муҳофаза қилувчи органга келтирилган вақтдан бошлаб эмас, балки шахс ҳақиқатда ушланган вақтдан бошлаб ҳисоблаш;

➖ шахс амалда ушланган пайтдан бошлаб, тегишли мансабдор шахс у билан боғлиқ суриштирув ва тергов ҳаракатларини ўтказишдан олдин ҳимоячи билан холи учрашувни таъминлаши шартлиги ҳақидаги қоида назарда тутилмоқда.

👉 Ўта оғир жиноят содир этганликда айбланаётган шахсларга оид жиноят иши бўйича, шунингдек қамоққа олиш ёки уй қамоғи тарзидаги эҳтиёт чорасини қўллаш ҳолатларида ҳимоячининг иштирок этиши шартлиги белгиланди.

👉 Агар ушланган айбланувчининг яқин қариндошларини процесс иштирокчиси сифатида жалб қилиш учун асослар мавжуд бўлмаса, уларни ҳуқуқни муҳофаза қилувчи органларга чақириш ва сўроқ қилиш тақиқланди.

👉 Айбига иқрорлик бўйича келишув институти киритилмоқда.

Унга кўра, айрим тоифадаги жиноятлар бўйича шахс айбини бўйнига олиш тўғрисида арз қилган, қилмишига чин кўнгилдан пушаймон бўлган, жиноятнинг очилишига фаол ёрдам берган, шунингдек, келтирилган зарарни бартараф этган тақдирда унга нисбатан қонунда белгиланган энг кўп жазонинг ярмидан кўп бўлмаган миқдори ва (ёки) муддатигача жазо тайинланади.

👉 Тошкент шаҳар прокуратураси тергов бўлинмалари ва Ички ишлар бош бошқармаси тергов бошқармалари замонавий криминалистик ускуналар билан жиҳозланган автотранспорт воситалари, процессуал ҳаракатларни аудио ва видеога қайд этиш тизимлари ҳамда стенография қилиш ускуналари билан таъминланади.

Шу билан бирга, тергов ҳаракатларини видеоконференцалоқа режимида ўтказиш амалиётини йўлга қўйиш учун жазони ижро этиш муассасалари ва тергов ҳибсхоналарини техник воситалар ва ускуналар билан тўлиқ жиҳозлаш чоралари кўрилади.
 

➡️ @uzauz

Дунё ёшлари ҳуқуқларини белгилашда қатнашиш имкони пайдо бўлибди

Энди БМТнинг Ёшлар ҳуқуқлари тўғрисидаги Конвенциясига ўз таклифларингизни киритиш имкони бор.

Натижалар Ёшлар Форумида БМТ, OSCE, Инсон ҳуқуқлари офиси, Ҳукуматимиз раҳбарияти ва вакилларига тақдим этилар экан.

Сўровномада жавоблар 10 августга қадар қабул қилинади.

Таклифлар билдириш учун бот: @UReportUzbBot

Ҳурматли истеъмолчилар!
Куз-қиш мавсумида электр энергиясини режим бўйича етказиб берилишини таъминлаш ва электр қурилмаларида содир бўлиши мумкин бўлган фавқулодда ҳолатларини олдини олиш мақсадида 6 август куни вилоятимиздаги айрим электр узатиш тармоқларида жорий таъмирлаш ва реконструкция ишлари олиб борилади.
Шу сабабдан Ҳатирчи туманининг “Бўғирдоқ” ва “Аҳмад Ёрлоқобов” маҳаллаларида  соат 8:00 дан 12:00 гача ҳодимлар хавфсизлигини таъминлаш мақсадида иш бажарилаётган ҳудудларда электр энергияси таъминотида вақтинча узилиш бўлиши мумкин.
Электр таъминоти бўйича саволлар, мурожаатлар ва шикоятларингиз бўлса 1154 қисқа рақамига ёки (71) 202-50-55(71) 202-50-55 қўнғироқ қилишингизни сўраймиз. Электр энергияси таъминотидаги вақтинча узилишлар сабабли етказилаётган ноқулайликлар учун истеъмолчилардан узр сўраймиз.
"Навоий ҳудудий электр тармоқлари корхонаси" АЖ матбуот хизмати.
@navoienergo@navoienergo