❗️Кетма-кет олтита “Эль-Класико”да гол урган тарихдаги биринчи футболчи кимлигини биласизми?

Юқорида айтиб ўтганимдек эртага тонгда UFC 262 турнири ҳақида овозли чат қилмоқчиман. Тахминий вақти 8:30. Сал 5-10 дақиқа фарқ қилиши мумкин, сабаби Тони Фергюсон - Бенил Дариуш баҳсида бошламоқчиман. Жанглар эса биласиз вақти сурилиб туради озгина. Кейин Оливейра - Чендлер жангида енгил вазннинг янги чемпионини аниқлаймиз. Аудио суҳбат шаклидаги трансляцияни синаб кўрамиз. Яккакурашлар мухлисларини таклиф этаман.

t.me/Davron_Fayziev

Тони Фергюсон - Бенил Дариуш жанги бошланишига бир неча дақиқа қолмоқда. Ундан аввалги жангнинг сўнгги раунди бошланяпти. Овозли чатни ҳам яқин вақт ичида бошлаймиз. Бир ўзим эмас, меҳмон суҳбатдошларни ҳам таклиф этганман.

t.me/Davron_Fayziev

Чарльз Оливейра Майкл Чендлерни нокаутга учратиб енгил вазн тоифасининг янги чемпионига айланди!

t.me/Davron_Fayziev

Жангдан ҳулоса

Чарльз Оливейранинг ғалабаси мени ҳайрон қолдирмади. Овозли чатда ҳам уни фаворит дегандим. Унда нега ҳамма буни шов-шувдек қабул қиляпти? Чунки 1-раундда Чендлер ва ғалабани фақатгина реферининг профессионаллиги ажратиб қолди. Реф жараённи ўқий олди ва Оливейра тўлиқ хушида эканлигини кўрди. Тажрибасизроғи Чарльзнинг юзи қонга беланиб ётгани, Чендлер тепадан бомбалар ташлаётгани таъсирида стоп девориши ҳам мумкин эди. Натижада Чарльзнинг ички ресурси ёқилди ва у иккинчи раундга “ўлиш” учун тушди. Майкл 5 дақиқаликдан хулоса қилиб адашди. Ўта ишонч билан Оливейра томон қадам ташлади. Шу билан унинг чемпионлик амбицияларига нуқта қўйилди. Камбэклар ҳар қандай спорт турига драма қўшади. Унинг фаолияти ҳам катта бир камбэк. Мағлубиятлардан кейинги тўлиқ трансформация ва чемпионлик сари узоқ, оғир йўл. Чарльз Оливейра айнан камбэк эвазига нокаутга эришгани унинг чемпионлигига эффект берди. Бироқ, Порье, Гетжи ва ҳатто Конор ҳамон унга қарши фаворитдек кўриняпти. Ҳозирча!

t.me/Davron_Fayziev

Мадрид ўзгаришлар остонасида.

Шунчаки гап-сўз эмас, ҳақиқатга айланиб бормоқда. Реал Мадрид мураббийликка Массимилиано Аллегрини таклиф этмоқчи. Зинедин Зидан кетади. Ҳали факт бўлмасада, анча нуфузли манбалар хабар қилишяпти. Ҳатто чемпион бўлса ҳам қолиш имкониятлари ёки нияти минимал даражада.

Реал март ойида биринчи бор Аллегри билан алоқага чиққан. Ҳозир музокаралар охирги босқичга етиб келган. Икки томоннинг якуний келишуви кутиляпти.

Мабодо нимадир бўлиб келишувга эришилмаса, Рауль бош мураббий бўлишга асосий даъвогар экан. Клуб афсонаси қачондир бошқарувни олади. Айнан ҳозир эртамасмикин... Тўғри, ўринбосарлар таркибида тажриба тўплади, ёшларнинг чемпионлар лигасини ютди. Пирло варианти бўлмайди ҳар ҳолда. Дарвоқе Ювентус ҳақида. Зиданни айнан Туринда кутишмоқда. Мантиқан ҳаммаси тўғри. Расмий тасдиқни кутамиз.

t.me/Davron_Fayziev

Қаҳрамон

Вест Бром - Ливерпуль. 95-дақиқа ва ҳисоб 1:1. Агар шундай тугаса Ливерпуль Чемпионлар лигаси учун курашда имкониятни қўлдан чиқариши мумкин. Бурчак тўпи белгиланди. Сўнгги имконият бўлгани учун рақиб жарима майдонига дарвозабон Беккер ҳам етиб келди. Узатма ҳам айнан у томон борди. Алиссон барчадан баланд сакраб тўпни дарвозага жойлаб қўйди. Ана драма! Видеода ҳаммаси бир неча секундда ўтиб кетади, шунинг учун вазиятни батафсил таърифлагим келди. Англия чемпионати АПЛ бўлибдики фақат 6 дарвозабон гол урган.

Беккер Ливерпуль учун умид қолдирди. Кейинги турда Челси - Лестер ўйини бўлиб ўтади ва улардан бири ёки иккиси ҳам очко йўқотади. Ливерпуль ўз ўйинини ютса Беккернинг қаҳрамонлиги жамоани тўртликка олиб киради. Сўнгги тур эса ёнади.

t.me/Davron_Fayziev

Барселона аёллар жамоаси Европа чемпионлар лигаси ғолиби бўлди. Финалда каталонияликлар Челсини 4:0 ҳисобида мағлубиятга учратишди.

Челсининг эркаклар жамоаси ҳам финалда ўйнайди, биласиз. Барселона билан эмас, аммо Барселона услубига қарши. Манчестер Сити - Челси учрашуви 29 май куни ўтказилишини эслатиб ўтмоқчиман.

t.me/Davron_Fayziev

Насафни ОФК кубоги доирасида Хўжанд устидан эришган 3:0 ҳисобидаги ғалаба билан табриклайман ва охирги турда омад тилайман! 3 та гол ва 1 сейвни томоша қилинг.

t.me/Davron_Fayziev

Шомуродов Ростовга 500 минг евро ишлаб бериши мумкин.

Ҳужумчимиз Женоа сафида А Серияда 7 та гол урди ва 2 та голга ассистентлик қилди. Гол+пас тизимида 9 балл тўплади. Агар у сўнгги турда Кальярига гол урса ёки ассист қилса баллари 10 тага етади ва трансфер келишувига кўра Женоа Ростовга яна 500 минг евро тўлаши керак бўлади.
Ўйлайманки Элдор буни яхши билади ва аввалги клубига бонус келтиришга ҳаракат қилади. Муҳими Женоа тежамкорлик қилиб уни захирада қолдирмаса бўлгани.

t.me/Davron_Fayziev

“Устознинг айтганини қилгину қилганини қилма”, номли видео.

Гвардиолани бундай ҳолатда дам олаётганини кўриш сюрприз, мен учун ҳам. Кўпчилик Пепни оила даврасида ўтирганда ҳам тактика устида бош қотирадиган машина деб тасаввур қилади. Йўқ, у ҳам одам) Аммо ўрнак олманг!

t.me/Davron_Fayziev

Жозе Моуриньо ўз вақтида Дидье Дрогбани қандай кашф қилгани ва Челсига олиб келиш учун Роман Абрамовични кўндирганини гапириб берди.

🎤 Ўзбек тилида

t.me/Davron_Fayziev

🇫🇷Зинедин Зидан ҳақида сиз билмаган факт

Зиданнинг келиб чиқиш араблардан бўлсада, ўз фарзандларига европача исмлар қўйган ва кўплаб ОАВ унинг эътиқодли мусулмон эканига шубҳа билан қайрайди. Бироқ “Ювентус”да ўйнаб юрган вақтларида у...

▶️Давоми...

Ucell компанияси бутун республика бўйлаб ўз ходимлари ўртасида шахмат чемпионатини ташкил қилди. Турнирнинг дастлабки босқичлари Самарқанд, Қарши, Бухоро, Навоий, Гулистон, Жиззах, Наманган, Нукус, Қўқон ва Тошкент шаҳарларида ўтказилиб, барча офислардан 11 нафар финалчи саралаб олинди. 19 май куни финал босқичида олтин, кумуш ва 2 нафар бронза медали соҳиблари аниқланиб, улар 5 млн., 3 млн. ва 1 млн. сўмдан пул мукофотлари билан тақдирланишди.

Ucell раҳбарияти, гарчи бу уларнинг вазифасига кирмаса-да, спортга эътибор қаратаётгани таҳсинга лойиқ. Компания бош директори Владимир Кравченко ходимлар ўртасида бу каби мусобақалар мунтазам ўтказилиши, масалан, баскетбол мусобақаларида ўзи ҳам иштирок этишини айтди.

Жуда кўпчиликка намуна бўладиган анъана. Қолган ташкилотларда ҳам оммалашса яхши бўларди.

Стивен Жеррард АПЛ шон-шуҳрат зали аъзосига айланди. Стиви Жи шубҳасиз нафақат Ливерпуль, балки бутун Англия футболининг фаҳри ҳисобланади. Шубҳасиз муносиб.

Эслатиб ўтаман, кеча Эрик Кантона, Деннис Беркамп ва Фрэнк Лэмпард шон-шуҳрат залидан жой олганди.

t.me/Davron_Fayziev