Гуруҳимиздаги вазият. Иккинчи ўрин билан 1/8 га чиқдик. Рақибимиз 20 сентябрь куни Аргентина ва Эрон ўйинидан кейин маълум бўлади.

t.me/Davron_Fayziev

​​Терма жамоамиз ҳақида Литвадагилар фикри.

Жаҳон чемпионати тадбирларида FIFA вакиллари, маҳаллий мутахассислар ва мухлислар билан фикр алмашиб турибмиз. Ўзбекистоннинг иштирокини четдан қараганда улар қандай баҳолашяпти?

Биринчидан, энг драматик ўйинлар жамоаси дейишмоқда. Ўзбекистоннинг гуруҳдаги уччала учрашуви сўнгги секундларгача интригани ушлаб турди. Гватемала билан тўлиқ устунлик, босим, 1:4 дан 4:4 га камбэк, аммо сўнгги лаҳзаларда гол ўтказиш. Драма. Кўз ёшлар. Фаворит Россия билан 0:2 дан 2:2 қилиш ва яна охирида ташаббусни қўлдан чиқариш. Россиялик мураббийлар жамоамизни олқишлагани. Ва ниҳоят 3-турда Миср билан оғир баҳсда 2:1 ҳисобидаги ғалаба! Бу сафар қувонч кўз ёши.

Иккинчидан, супер голлар жамоаси. Россия дарвозасига Даврон Чориев, Миср дарвозасига Ҳусниддин Нишонов, айниқса Анасхон Раҳматов ижросидаги ҳал қилувчи фантастик гол Жаҳон чемпионати хайлайтсларидан ўрин олди.

Учинчи ҳолат эса ўзбек мухлислари. Улар ҳар ўйинда жамоа билан бирга. Узоқ яқиндан Вильнюс аренага келиб, тинмай қўллаб-қувватлаб туришибти. Мезбон Литвадан кейин зал тўлиши ва перфоманс бўйича айнан Ўзбекистон етакчи ўринларда.

Давомий бўлсин!

t.me/Davron_Fayziev

Кадрда оғир меҳнат маҳсули. Муваффақиятнинг осон йўли йўқ.

t.me/Davron_Fayziev

Роналду Манчестер Юнайтедга қайтгач ҳар ўйинда гол урмоқда.

3 та ўйин, 4 та гол.

t.me/Davron_Fayziev

Айни вақтда Рома меҳмонда Верона билан ўйнаяпти. Моуриньо аввал айтганидек, асосий таркибда Тэмми Абрахам ва Элдор Шомуродовни биргаликда туширди. Биринчи бор. Элдор чап қанот ҳужумига жойлаштирилди. Ҳозирча 0:0. Элдор позицияга кўникишга ҳаракат қиляпти. Абрахам билан боғлам ишлаб кетишига озроқ вақт керак. Кузатайликчи.

t.me/Davron_Fayziev

Бу вақт Тоттенхэм - Челси ўйини бўлиб ўтмоқда ва ҳозиргина ҳисоб очилди. Челси ҳимоячиси Тиаго Сильва гол урди.

t.me/Davron_Fayziev

Челси иккинчисини урди. Дунёдаги энг камтар йигит Нголо Канте бунда  иштирок этди.

Рома эса Пеллигрини томонидан урилган гол эвазига танаффусга устунлик билан чиқиб кетди. Веронада дўл ёғди, жабрланганлар йўқ. Бир неча дақиқа футболчилар чидаб беришди.

t.me/Davron_Fayziev

Танаффусдан кейин Ромага қарши Верона эмас Хайнкеснинг Баварияси тушди шекили. Бутунлай бошқа жамоа, бошқа темп ва даража. Рома дарвозасига учта урди. Ўз дарвозасига битта урди. Элдор алмаштирилди. Ҳозирча 3:2, Рома очко учун курашмоқда.

t.me/Davron_Fayziev

ПСЖ марказий ўйинда Лион билан 0:0 ўйнаяпти. Биринчи бўлим якунланди. Месси, Неймар, Мбаппе майдонда. Дунёдаги энг юлдузли учлик. Лион мардонавор курашмоқда. Аммо Парижнинг куч захираси борлиги билиниб турибти. Голини барибир уриб олса керак.

t.me/Davron_Fayziev

ПСЖ охирги дақиқаларда ғалабани илиб кетди. Захирадан тушган Икарди 93-дақиқада гол урди, 2:1. Лекин ўйиннинг асосий воқеаси бу эмас, Месси ва Почеттино ўртасидаги эпизод бўлди. 76-дақиқада мураббий биринчи ўзгаришни амалга оширди, Ашраф Ҳакими Лионель Месси ўрнига. Шу жойида Лео тушунмай қолди. Нега у? Шу савол фотода Мессининг юзида акс этган. Натижада чиқиб кетаётиб афсона ўз мураббийига қўл узатмади. Мушкул вазият. Натижага мураббий жавобгар ва унинг қарорларини ҳурмат қилиш керак. Лекин, бошқа тарафда оддий футболчи эмас, тарихдаги буюклардан бири, унинг обрўси ва мавқеи, у ҳали жисмонан даражани ушлаб турибти ҳали. Ҳамма тушуниб турибти Месси адаптациядан ўтиб олгач жамоани тортишни бошлайди. Унгача эса дастлабки характерлар тўқнашуви рўй берди.

Почеттино ўйиндан кейинги интервьюда:
“Бизда яхши футболчилар кўп. Ҳар ўйиндан олдин ва жараёнда қийин қарор чиқараман. Натижа учун жавобгарман, шу сабаб жамоа учун манфаатли йўл тутаман. Мен ундан аҳволини сўрадим. Ҳаммаси жойида деди”.

t.me/Davron_Fayziev

Биламизки, ҳамма сериялар бир кун келиб тугайди. Нима учун Эрон билан ғалабасиз сериямиз бузилмаслиги керак? Вақти келгандир?

24 сентябрь. 19:30
Ўзбекистон - Эрон

Шу сафар йигитлар, шу ерда.

t.me/Davron_Fayziev

Мана. Бу. Ҳақиқий. Дерби.

Бунёдкор Локомотив ўйинининг 93-дақиқасигача Локо 2:1 ҳисобида олдинда эди. Охирги секундларда Бунёдкор иккита гол уриб ғалабани илиб кетди, 3:2.

t.me/Davron_Fayziev

Айни вақтда дунёнинг энг кучли боксчиларидан бири Сауль Канело Альварес ўзининг бўлажак рақиби Калеб Плант билан стердаунда уришиб кетди. Улар юзма-юз туриб маълум вақт ўзаро ҳақоратлашишди. Ташкилотчилар бунга жиддий қарашмади. Биринчи бўлиб Канело қўл ишлатди ва Калебни туртди. Кейин эса улар яқинлашиб бир икки зарба бергандек бўлишди. Боксчиларга жиддий шикаст етмади. Аммо жанг рейтинги ошган бўлса керак. Улар ўртасидаги чемпионлик жанги 6 ноябрь куни Лас Вегасда ўтказилади.

t.me/Davron_Fayziev

Юқоридаги эпизодда жиддий бўлмаса озгина шикаст етибди. Плантнинг қовоғи ёрилган. Яъни, бу шунчаки пиар эмас. Канело рақиби қўл чўзганда тана ҳаракати билан бироз ортга тисарилди ва ўша эпизодда чап қўл билан Плантга зарба бера олган. Тезлик масаласида Сауль Алварес устунлик қилди. Бу “раунд” 10-9 ҳисобида мексикалик фойдасига ҳал бўлди.

t.me/Davron_Fayziev

Хабиб Нурмагомедов ММА ва UFC тарихидаги энг кучли жангчилардан бири. Шу билан бирга у ашаддий футбол мухлиси. Бу интервьюда ҳам асосан футбол ҳақида гапирган. Роналду Манчестер Юнайтедга ўтишини унга бир ой аввал хабар бергани ҳақида эшитгандирсиз. Хабиб ўша суҳбат тафсилотларини ҳам айтиб ўтди. Роналду ва Мессининг кучли тарафларини солиштирди. Реал Мадридга мухлислигидан келиб чиқиб албатта. Шунингдек, қайси журналистни кузатиб бориши ва унга интервью бериш нияти ҳақида гапирди. Дудь ва Познерни солиштирди. Познернинг жавоби ҳам шу ерда.

Ўзбек тилида 🎤

t.me/Davron_Fayziev